Hönnun og endurvinnsla í forgrunni á ársfundi Samáls

Ál í arkitektúr er til umfjöllunar í nýrri útgáfu World Aluminium og er farið yfir markverðar byggingar sem reistar voru allt frá 1895 til 1986, en þar á meðal eru Empire State, höfuðstöðvar Sameinuðu þjóðanna í NY og höfuðstöðvar Unesco í París.

Vegna umfjöllunar Fréttatímans um afföll á kjúklingabúinu í Straumi árið 1976 hefur Rio Tinto Alcan sent frá sér yfirlýsingu. Þar kemur fram að það hafi verið engin tilviljun að ISAL var sýknað af kröfum í málinu bæði í héraði og í Hæstarétti, þótt Fréttatíminn sleppi því alveg að fara ofan í ástæður þess.

Hvers vegna stýra konur ekki fleiri stórfyrirtækjum? Ruth Elvarsdóttir framkvæmdastjóri fjármálasviðs hjá Alcoa-Fjarðaáli er ein sex kvenna sem svara þessari spurningu í Frjálsri verslun í júní sl., en það tölublað er helgað 100 áhrifamestu konum á Íslandi árið 2016.

Fjarðaál hefur sent frá sér yfirlýsingu vegna umræðu um skatta- og vaxtagreiðslur fyrirtækisins. Þar kemur m.a. fram að vextir Fjarðaáls af lánum Alcoa eru ákveðnir af þriðja aðila og voru að meðaltali 0,92% árið 2014 og 2,41% í fyrra. Hér má lesa yfirlýsingu Fjarðaáls.

Lands­virkj­un og Norðurál Grund­ar­tangi ehf. hafa undirritað samkomulag um að fram­lengja raf­magns­samn­ing fyr­ir­tækj­anna fyr­ir 161 MW. End­ur­nýjaður samn­ing­ur er tengd­ur við markaðsverð raf­orku á Nord Pool raf­orku­markaðnum og kem­ur það í stað ál­verðsteng­ing­ar í gild­andi samn­ingi.

Verkfræðileg hönnun nýs álvers Norsk Hydro, sem Norðmenn segja að verði það umhverfisvænasta í heimi, er í höndum þriggja íslenskra verkfræðistofa og skilar einum milljarði króna í gjaldeyristekjur til Íslands. Þetta kemur fram í frétt Vísis.

Eftirspurn eftir áli í bílaframleiðslu í Norður-Ameríku þrefaldast samkvæmt spám CRU og fer úr 330 þúsund tonnum árið 2015 í ríflega milljón tonn árið 2020. Í Aluminium Insider kemur fram að hvatinn felist í léttingu bílaflotans, sem dregur úr eldsneytisbrennslu og losun gróðurhúsalofttegunda.

Nýtt fréttabréf Samáls komið út um vel sóttan ársfund og það sem bar á góma þar, svo sem stöðu og horfur í áliðnaði, framtíðarsýn náms á háskólastigi, samkeppnishæfni orkuiðnaðar og kókdósir með landsliðsmönnum! Hér má lesa fréttabréfið.

Ríflega 70% allrar orku sem notuð er á Íslandi telst sem endurnýjanleg og því er Ísland með hæsta hlutdeild í Evrópu, samkvæmt frétt Viðskiptablaðsins um skýrslu atvinnuvegaráðuneytisins og Orkustofnunar. Hér má lesa fréttina.

Aðalfundur Álklasans var haldinn í morgun en þar fór Guðbjörg H. Óskarsdóttir klasastjóri yfir þau verkefni sem klasinn hefur verið að vinna að síðustu 11 mánuði síðan hann var stofnaður í júní 2015. Hér má lesa viðtal við hana sem birtist á vefsíðu Viðskiptablaðsins.

Íslensk álver keyptu vörur og þjónustu fyrir um 30 milljarða í fyrra af hundruðum íslenskra fyrirtækja. Álverin framleiddu rúm 858 þúsund tonn af áli og álafurðum og alls námu útflutningsverðmætin um 237 milljörðum.

l mun spila stórt hlutverk í þróun rafhlaðna á næstu árum. Þetta sagði Magnús Þór Ásmundsson, stjórnarformaður Samáls og forstjóri Alcoa Fjarðaáls, á ársfundi Samáls á miðvikudaginn. Trausti Hafliðason skrifaði frétt fyrir Viðskiptablaðið.

Þegar Málm­steyp­an Hella var stofnuð voru við lýði það ströng inn­flutn­ings­höft að not­ast var við brota­málm úr flug­véla­flök­um frá stríðsár­un­um. Það var eina fáanlega álið. Nú er álið keypt frá Norðuráli og notað ál endurunnið. Rætt er við Grét­ar Má Þor­valds­son­ á Mbl.is.

Ársfundur Samáls, samtaka álfyrirtækja, fór fram í vikunni. Sigurður Már Jónsson blaðamaður sem starfar sem upplýsingafulltrúi ríkisstjórnarinnar reifar nokkrar tölur sem fram komu á ársfundinum í pistli á Mbl.is undir yfirskriftinni: Mikilvægi áliðnaðarins - nokkrar tölur.

Innlend út­gjöld ál­vera á Íslandi námu um 92 millj­örðum í fyrra. Þá voru útflutningstekjur áls 237 milljarðar eða um 38% af vöruútflutningi þjóðarinnar. Þetta kom fram í erindi Magnúsar Þórs Ásmundssonar stjórnarformanns Samáls á ársfundi Samáls í morgun, en fjallað var um það á Mbl.is.

Kelly Driscoll, sér­fræðing­ur hjá greiningarfyrirtækinu CRU, seg­ir í samtali við Morgunblaðið áliðnaðinn í lægð um þess­ar mund­ir en verðið muni hækka um allt að 60% eft­ir nokk­ur ár. Heims­fram­leiðsla hef­ur auk­ist um 27,5% síðan árið 2011, en meðal­fram­leiðslu­kostnaður lækkað um fjórðung.

Ársfundur Samáls verður haldinn í Kaldalóni í Hörpu 18. maí næstkomandi. Boðið verður upp á morgunverð frá 8:00, en fundurinn hefst 8:30. Nánari dagskrá verður auglýst síðar. Fundinum lýkur 10:00 og verður þá boðið upp á kaffi og pönnukökur - af pönnum frá Málmsteypunni Hellu.

Ný tegund rafhlaða getur valdið byltingu í orkumálum. Dr. Rauan Meirbekova hjá Háskólanum í Reykjavík hélt erindi um rafhlöður úr fljótandi málmum á einni af fjórum málstofum í HR um efnisverkfræði. Hér má lesa viðtal Ásgeirs Ingvarssonar við hana úr Morgunblaðinu.

Áskoranir í efnisfræði er yfirskrift málstofu í Háskólanum í Reykjavík um efnisfræði og orkuumbreytingu mánudaginn 2. maí. Hún er öllum opin og aðgangur ókeypis. Þetta er þriðja málstofan af fjórum og er fundaröðin styrkt af samfélagssjóði Alcoa.

Á málstofu sem haldin var í Háskólanum í Reykjavík (HR) fimmtudaginn 7. apríl, afhenti Magnús Þór Ásmundsson, forstjóri Alcoa Fjarðaáls skólanum styrk til áframhaldandi eflingar rannsókna og kennslu í efnisverkfræði og málmfræði á háskólastigi.

Eitt af meginmarkmiðum Álklasans er að stuðla að aukinni nýsköpun og eru öflugar rannsóknir og þróun á þessu sviði því mikilvægar. Guðbjörg Óskarsdóttir klasastjóri Álklasans og efnaverkfræðingur hjá NMÍ er í viðtali í Vélabrögðum, tímariti nemenda í véla- og iðnaðarverkfræði við HÍ.

Áhugaverð umfjöllun hjá Ara Trausta í þættinum Maðurinn og umhverfið. Í fyrsta þættinum tók hann fyrir um umhverfismál og nýsköpunarverkefni tengd betri nýtingu affallsefna frá áliðnaði. Hér má sjá þáttinn.

Starfs­menn ál­vers Rio Tinto í Straums­vík fá 12,7% launa­hækk­un og aft­ur­virk­ar launa­hækk­an­ir í formi 490 þúsund króna ein­greiðslu. Þá munu laun hækka í sam­ræmi við SALEK-sam­komu­lagið til árs­loka 2018 og síðan um tvö pró­sent í árs­byrj­un 2019. Samn­ing­ur­inn gild­ir fram á vor 2019.

Vilji er hjá Norðuráli og Elkem á Grundartanga til að nálgast umhverfisvöktun fyrirtækjanna á annan hátt til að auka traust á þeim mælingum sem þarf að gera. Umhverfisstofnun boðar til opins kynningarfundar um niðurstöður eftirlits og umhverfisvöktunar vegna fyrirtækjanna á fimmtudag.

Málstofa um efnisfræði í sjálfbærri álframleiðslu verður haldin fimmtudaginn 7. apríl kl. 9 í stofu M209. Málstofan er liður í eflingu efnisfræði og efnisverkfræði sem fræðigreina hér á landi.

Með því að stilla vinnutíma í hóf og stytta vaktir má gera vinnustaði fjölskylduvænni og búa til störf sem henta báðum foreldrum. Þetta kom fram í fréttum RÚV í samtölum við tvo starfsmenn Alcoa Fjarðaáls, sem stytti nýlega vaktir úr 12 tímum í 8 og við það komu fleiri konur til starfa í álverinu.

Hinn 28. mars, á annan í páskum, verða 50 ár liðin síðan skrifað var undir aðalsamning milli ríkisstjórnar Íslands og Alusuisse um byggingu áliðjuvers í Straumsvík. Hjörtur Torfason lögfræðingur skrifar aðsenda grein á þeim tímamótum í Morgunblaðið.

Blikur eru á lofti í álframleiðslu á heimsvísu og margvíslegar áskoranir sem iðnaðurinn stendur frammi fyrir. Tækifærin eru þó að sama skapi til staðar, segir Pétur Blöndal, framkvæmdastjóri Samáls, í samtali við Morgunblaðið.

Umhverfismálum var gert hátt undir höfði á Iðnþinginu þar sem þau Ágúst Torfi Hauksson, framkvæmdastjóri Norðlenska, Magnús Þór Ásmundsson, forstjóri Alcoa Fjarðaáls, og Margrét Ormslev Ásgeirsdóttir, fjármálastjóri Carbon Recycling International, tóku til máls. Ágúst Torfi Hauksson, Magnús Þór Ásmundsson og Margrét Ormslev Ásgeirsdóttir ræddu grænar lausnir, áskoranir og tækifæri í umhverfismálum.

Á dag­inn stýr­ir Eyrún Linn­et raf­veitu sem gæti séð Manchester­borg eða Mong­ól­íu fyr­ir raf­magni í ál­ver­inu í Straums­vík. Eft­ir vinnu saum­ar hún þjóðbún­inga. Rætt er við Eyrúnu í stuttu innslagi á Mbl.is í nýrri þáttaröð um Fagfólkið.

Endurvinnsla áls, vegvísir að sjálfbæru efnahagslífi er útgáfa European Aluminium, samtaka áliðnaðar í Evrópu, um endurvinnsluiðnaðinn í Evrópu, en þar gegnir ál veigamiklu hlutverki. Hér má lesa skýrsluna í íslenskri útgáfu.

Alcoa tilkynnti í dag nafn, merki og einkunnarorð á þeim hluta fyrirtækisins sem mun í haust taka við virðisaukandi framleiðslu Alcoa.

„Eitt af einkennum þjóðmálaumræðunnar er að fólki hættir til að hugsa í annaðhvort eða...“ Þannig hefst endahnútspistill Péturs Blöndals framkvæmdastjóra Samáls á baksíðu Viðskiptablaðsins.

Ólaf­ur Teit­ur Guðna­son, upp­lýs­inga­full­trúi Rio Tinto á Íslandi, er að von­um óánægður með niður­stöðu Fé­lags­dóms um að verk­fall megi hefjast í ál­ver­inu í Straums­vík á miðnætti.„Ég hygg að at­vinnu­lífið standi frammi fyr­ir ansi fjöl­breyttri flóru ný­stár­legra verk­falla,“ segir hann í viðtali á Mbl.is.

Ólafur Teitur Guðnason, upplýsingafulltrúi áversins í Straumsvík, segir í viðtali á Vísi.is að komi útflutningsbann á fyrirtækið til framkvæmda muni það hafa gríðarlega alvarleg áhrif á fyrirtækið. Aðgerðir verkalýðsfélaganna hafi nú þegar valdið fyrirtækinu miklu tjóni.

Ólafur Teitur Guðnason skrifar svargrein í Fréttablaðið vegna kjaradeilunnar í Straumsvík.

Í bókinni Vegabréf, vísakort og lyklar að hjólinu lýsa Unnur Sveinsdóttir og Högni Páll Harðarson ferð um 20 lönd Mið-Asíu á 147 dögum. Högni er vélstjóri með viðskiptafræðimenntun og starfar hjá Alcoa Fjarðaáli, en Unnur myndlistarmaður og kennari. Fjallað er um bókina í Morgunblaðinu.

Ólafur Teitur Guðnason, upplýsingafulltrúi Rio Tinto Alcan á Íslandi, skrifar grein um kjaraviðræður í álverinu í Straumsvík. Þar kemur m.a. fram að þegar viðræðurnar hófust voru dagvinnulaun verkamanna hjá ISAL 25% yfir landsmeðaltali.

Pétur Blöndal framkvæmdastjóri Samáls skrifar svargrein um veikindi hrossa á Kúludalsá, þar sem fram kemur að niðurstöður dýralækna gefi „engar vísbendingar um að hrossin hafi orðið fyrir eitrun af völdum flúors eða þungmálma.“

Pétur Blöndal framkvæmdastjóri Samáls svarar gagnrýni Landverndar á jólakveðjur Norðuráls á öldum ljósvakans. Þar kemur m.a. fram að álver á Íslandi hafa dregið úr kolefnislosun á hvert framleitt tonn um 75% frá árinu 1990.

Norðurál óskaði landsmönnum gleðilegra jóla á öldum ljósvakans yfir hátíðarnar og voru þær auglýsingar gagnrýndar af Snorra Baldurssyni formanni Landverndar í Fréttablaðinu. Pétur Blöndal framkvæmdastjóri Samáls svarar þeirri þeirri gagnrýni í stuttu máli á Vísi.is.

„Nú eru tímamót!“ er yfirskrift áramótakveðju Samáls. Þar er fagnað þeim árangri sem náðist á alþjóðlegri ráðstefnu um loftslagsmál í París. Og undirstrikað að ál hefur hlutverki að gegna í baráttunni við losun.

Álverið í Straumsvík var forsenda Brúrfellsvirkjunar, sem bætti verulega aðgang almennings að rafmagni, en fram að því hafði því verið skammtað í Reykjavík. Finnur Magnússon lögmaður skrifar um stöðu álversins í Straumsvík í Morgunblaðið.

Skip úr áli eru framtíðin hér á landi ef marka má niðurstöður íslensks ráðgjafahóps, sem Vísir fjallarum. Þannig verða þau léttari og eyða minni orku. Norsk umhverfisverfisverndarsamtök hvetja til þess að norski ferjuflotinn verði rafvæddur og ferjurnar verði úr áli.

Pétur Blöndal framkvæmdastjóri Samáls skrifar grein í Norðurljós, blað Norðuráls, um viðhorf til alþjóðlegra fyrirtækja hér á landi.

Í tilefni af loftslagsráðstefnunni í París er fjallað um umhverfismál í nýju fréttabréfi Samáls. Þá er hægt að skoða myndskeið sem fjalla m.a. um eiginleika álsins og endurvinnslu. Og loks er umfjöllun um þjóðhagsleg áhrif áliðnaðar.

Rio Tinto Alcan á Íslandi ætlar ekki að loka álverinu í Straumsvík, heldur leysa kjaradeiluna við starfsmenn. Rannveig Rist segir það skýlausa kröfu að hagræðing náist með verktöku. Hér má lesa umfjöllun RÚV og horfa á viðtal við Rannveigu í Kastljósi.

„Þau eru ný­bú­in með sex­tíu millj­arða fjár­fest­ing­ar­verk­efni. Í því fólst að auka bæði fram­leiðslu og fara yfir í virðis­meiri og flókn­ari afurðir. Það bend­ir ekk­ert til ann­ars en að menn séu að horfa til framtíðar í Straums­vík,“ seg­ir Pét­ur Blöndal framkvæmdastjóri Samáls í samtali við Mbl.is.

Kjara­deila starfs­manna ál­vers Rio Tinto í Straums­vík snýst um þá staðreynd að ISAL sit­ur ekki við sama borð og önn­ur fyr­ir­tæki hvað varðar mögu­leika á úti­vist­un verk­efna. Þetta kem­ur fram í yf­ir­lýs­ingu Rann­veig­ar Rist­ar, for­stjóra Rio Tinto Alcan á Íslandi.

Eft­ir ár­ang­ur­laus­an fund í kjara­deilu starfs­manna ál­vers­ins í Straums­vík er út­lit fyr­ir að verk­fall hefj­ist á miðnætti í kvöld. „Okkar vilji númer eitt, tvö og þrjú er að ná samningum og við teljum allar forsendur til þess,“ segir Ólafur Teitur Guðnason í samtali við Vísi.is.